Como dar formato aos artigos de escoitar.org

Este artigo é un resumo acerca das estratexias e recursos que tendes a vosa disposición para dar formato aos artigos que publiquedes nesta web. A través do mesmo, vou intentar establecer como mellorar o aspecto dos artigos, de xeito que o HTML resultante sexa compatible cos estándares do W3C e facilite a accesibilidade.

Spip ofrece a posibilidade de utilizar atallos, como o paréntese para facer negrillas e cursivas ao editar os artigos, pero tamén permite introducir directamente etiquetas HTML no texto. É fundamental tratar de economizar os recursos que utilicedes, priorizar o uso de etiquetas lóxicas fronte a etiquetas formais e evitar por todos os medios definir formatos directamente no HTML.

As etiquetas lóxicas son aquelas que se preocupan de clasificar o contido dun documento HTML, e non da estética do mesmo, o fundamental non é que modifiquen o aspecto do texto, senon que aporten información suplementaria acerca do texto.

Moitas veces tendese a utilizar as negrillas para emfatizar títulos e subtítulos. Esta estratexia é pouco recomendable, porque dende o punto de vista do código, non se establece ningunha información acerca de cal é a razón pola cal o texto debe ser emfatizado. Para establecer unha xerarquia de títulos e subtítulos estan reservadas unhas etiquetas numeradas, chamadas cabeceiras (header).

Unha das ventaxas engadidas destas etiquetas e que provocan un salto de linha e non hai que preocuparse de se Spip porá ou non dito salto no párrafo seguinte. Dado que a primeira etiqueta header corresponde ao título do artigo, os redactores debedes comezar a utilizalas a partires do número 2, seguindo unha orde lóxica e xerarquica.

Como podedes obserbar a maioria das etiquetas HTML teñen un elemento de apertura e un elemento de peche. É moi importante comprobar que todas as etiquetas queden correctamente pechadas. Xa que, do contrario, o navegador pode mal interpretar o código da páxina e facer auténticos desaguisados na presentación final.

Por outra banda, existen algunhas etiquetas HTML que, por non ter contido, so teñen un elemento. Moita xente tende a escribir este tipo de etiquetas, como os saltos de liña, da seguinte maneira:

Pero isto non é normativo e ainda que non afecta a presentación final da páxina non validará como XHTML 1.0 Transitional no W3C. O xeito correcto de escribir este tipo de etiquetas e cunha barra de peche ao final da mesma.

Algúns dos atallos que ofrece Spip para dar formato ao texto son enormemente útiles, pero as veces resulta dificil comprender a súa dinamica e controlar o xeito en que inter-actúan co resto do texto. Vou facer un pequeno resumo dos mesmos e tratar de explicar como utilizalos correctamente.

Por defecto as imaxes sitúanse a esquerda, basta con deixar un espacio antes do texto que veña a continuación, para forzar un salto de liña. Pero, cando tratamos de situar as imaxes á esquerada ou á dereita cos filtros |right e |left, o seu comportamentlo é algo diferente. Spip as transforma en elementos flotantes, polo que o texto trata de ocupar o espacio que hai ao seu redor.

En determinadas circunstancias este efecto pode resultar molesto e non resulta nada doado evitalo. Podemos estar tentados a ocupar o espacio ao redor da imaxe con saltos de liña
, pero o que conseguiremos será encher o documento de elementos supérfluos (basoira).

Para resolver este problema, o seguinte parágrafo deberá ter unhas cualidades especiais que impidan que trate de o cupar o espacio ao redor da imaxe. Na CSS de Escoitar.org definimos unha clase chamada «clear» con este obxectivo.

En xeral as imaxes centradas non ofrecen ningún problema xa que o propio Spip crea un divisor que ocupa todo o espacio ao redor da imaxe centrada. Polo que poderemos centrar as imaxes con facilidade utilizando o atallo correspondente.