Fereixinde – Vacamorta

Vacamorta. No medio dos campos da vacamorta, os paxaros parecen estar tolos. Cantan, cantan, cantan, sen parar. Como borrachos de frescor e primaveira, solete e buen rollito. Cada un co seu cantar, a sua voz, o seu xeito, a sua historia, ajenos, todos eles, a desgracia que en breve lle vai ocorrer ao espacio no que están. Ala ao lonxe, escoitanse os estalidos dos rastroxos que algún veciño da aldea de Ai está queimando na zona de Fontefría, antes de que queime maís o sol. Mentres, os galos cantan, na casa de Canuto ou na de Sabarís e algún can ladra ala arriba, marcando ó seu territorio. Pouco a pouco, dende lonxe, xurde un tractor que enche de frecuencias graves toda a paisaxe, pero que parece querer non molestar, e integrase perfectamente co resto da paisaxe. Algún coche próximo pasa, paseniño, paseniño, se querer facerse notar. Ao lonxe, imperterito, os coches pasando pola autovia, co seu runrun, amenazando.

Gravado cunha gravadora portatil zoom h2 empregando os catro micros internos. Editado e mezclado a estereo no ardour. Renderizado a mp3 empregando o Lame.