Paxaros, chuvia e árbores cun pouco de vento en Boán

O lugar da toma está nun camiño que baixa dende o local da Asociación Boán Uno, ata chegar a un pequeno bosque de fentos. Escóitanse paxaros e algunha gota de chuvia misturado cun vento leve sobre as árbores.

Forma parte do conxunto de gravacións que fixemos no taller de Irene Kopelman xunto a Andrea Dávila, Carla Souto e Marina González en Boán Uno, da man da Fundación María José Jove.

A gravación foi tomada o domingo 31 de outubro de 2021 ás 13.07h